ملا پناه واقف  ۱۷۱۷  قازاخ محالی نین صلاحی کندینده آنادان اولموش دیر. باباسی مهدی آدیندا بیر کندلی دیر. واقف ۱۸ اینجی عصر آذربایجان ادبیاتی نین ان باشدا گلن شاعری اولوب قاراباغ خانلیغی سیاسی حیاتیندا موثر رولو الموش، آذربایجان فرهنگینه خدمت اتمیش و شعر و ادبیاتا ینی بیر استقامت ورمیشدیر. 

گلمه ميش

هر گئدن گلميش، منيم اول غمگساريم گلمه ميش

اي گوزوم، آغلا كيم، چشم خماريم گلمه ميش

گئتميش ايدي اختياريم بئله سينجه ياريمين

چونكي ياريم گلمه ميش، هم اختياريم گلمه ميش

 

من بو دردايله اگر اولسم، مزاره قويمايين

اوستومه اول طوطي ديللي شوخ نگاريم گلمه ميش

حسرتيندن زعفرانه دونسه روييم، يوخ عجب

قويموش هجراندا مني، بير گلعذاريم گلمه ميش

 

دئمه سين، ((واقف))، اجل كيم، گلسه مندن جان آلير

كيمدير اونا جان وئرن، فرمان ياريم گلمه ميش؟

اي گلعذارين كاغذي

آيدين اولسون گوزلريم كيم، گلدي يارين كاغذي

كونلومي شاد ائيله دي گوزل نگارين كاغذي

اوخودوم، اوپدوم، گوزه سورتدوم، دئديم: صد مرحبا!

گوزوم اوسته وار يئرين، اي گلعذارين كاغذي



سندن آيري اول قدر قان آغلاديم كيم، دمبدم

ياشه باتيب، ايسلانيب صبر و قرارين كاغذي

چوخ چكيرديم انتظارين، گوزلريم يولدا ايدي

شكرلله، گلدي اول چشم خمارين كاغذي



غيري ياري، اي گوزل، قيلما بدل سن ((واقفه))

يادگار ساخلا، بو اولسون اعتبارين كاغذي

فارس دیلینده بیر مثنوی

شنیدستم که مجنون دل آزار                          چو شد از مردن لیلی خبردار

گریبان چاک زد با آه و افغان                         بسوی تربت لیلی شتابان

در آنجا کودکی دید ایستاده                            بهر سو دیده ی حسرت گشاده

نشان قبر لیلی را از او جست                        چو ان کودک بخندید و بدو گفت

تو ای مجنون ترا گر عقل بودی                      ز من کی این تمنا می نمودی

میان قبرها را جستجو کن                             ز هر مرقد کفی از خاک بو کن

ز هر خاکی که بوی عشق برخواست               یقین کن تربت لیلی همانجاست

تو هم واقف در این دیر جگرسوز                   رموز عشق از آن کودک بیاموز.

 دورنالار

بير زامان هاوادا قاناد ساخلايين

سوزوم واردير منيم سيزه، دورنالار!

قاتارلاشيب نه دياردان گليرسيز؟

بير خبر وئرسه نيزبيزه، دورنالار



سيزه مشتاق دورور بغداد ائللري

گوزله يه- گوزله يه قاليب يوللاري

آستا قاناد چالين، غافل تئللري

حيف دير، سالار سيز دوزه، دورنالار!



خيلي وقتدير يارين فراقيندايام

پروانه تك حسنين چراغيندايام

بير آلا گوزلي نين سوراغيندايام

گورونورمي، گورون گوزه، دورنالار!



من سئوميشم آلا گوزون سورمه سين

بدنظر كسيبن، زيان وئرمه سين

ساقين گزين، لاچين گوزو گورمه سين

قورخورام صفينيزي پوزا، دورنالار!



نازنين- نازنين ائدرسيز آواز

روحلار تازه لنير، اولور سرافراز

((واقفين)) ده كونلو چوخ ائدر پرواز

هردم سيزين ايله گزه، دورنالار!

آغلادین

مني غرق ائله دين غم درياسينا

اي چشم خماريم، نئچون آغلادين؟

اي گوزوم، نه دگيب كوكرك كونلونه؟

اي شيرين گفتاريم، نئچون آغلادين؟



گردنينده زلفون تر سنبل كيمي

سونادان اوزولموش قارا تئل كيمي

سن گرك گوله سن قيزيل گول كيمي

اي لاله رخساريم، نئچون آغلادين؟



اولمايا سن مني بي اقرار ساندين

ظرافت ائله ديم، اونا اينانديم

نه دگدي كونلونه، نه دن بولاندين

ديشلري مرواريم، نئچون آغلادين؟



باغريم باشين شان- شان ائله د ين، دلدين

دونوم گوزلرينه، آز آغلا، اولدون

دئيه ردين، گولردين، بئله دئييلدين

منيم جادوگريم، نئچون آغلادين؟



هر كس گورن دمده اوز سيرداشيني

مگر توكر قاباغيني، قاشيني؟

اودا ياخدين جگريمين باشيني

واقف دئيير: دلداريم، نئچون آغلادين؟

این لینک بیش از ۲۵۰۰ مجله مجانی و فولتکست رو در اختیار شما می ذاره

http://www.doaj.org